Thursday, June 13, 2024
Homeब्रेकिंगएकाच दिवशी बाप-लेकाचा मृत्यू:पहाटे वडिलांचा रुग्णालयात उपचारादरम्यान मृत्यू; सकाळी‎ अपघातात मुलगा ठार‎

एकाच दिवशी बाप-लेकाचा मृत्यू:पहाटे वडिलांचा रुग्णालयात उपचारादरम्यान मृत्यू; सकाळी‎ अपघातात मुलगा ठार‎

पहाटे वडिलांचा रुग्णालयात ‎उपचारादरम्यान मृत्यू झल्यानंतर ‎‎ सकाळी रस्ता अपघातात मुलगा‎ ठार झाल्याची घटना सिरसो ‎फाट्याजवळ शनिवारी घडली. ‎एकाच दिवसात पिता-पुत्राचा मृत्यू झाल्याने परिसरात शोककळा‎ पसरली आहे. दुचाकीवर प्रवास ‎करीत असलेल्या मुलाचा टिपरने ‎ धडक दिल्याने मृत्यू झाला.‎

मूर्तिजापूर तालुक्यातील‎ रेपाडखेड येथील रहिवासी सिद्धार्थ‎ जामनिक (वय ४० वर्ष) यांचे‎ वडिल जानरावजी जामनिक यांना‎ उपचारार्थ मूर्तिजापूर येथे खासगी‎ रुग्णालयात दाखल करण्यात‎ आले होते. मात्र त्यांचा पहाटे ४‎ वाजताच्या सुमारास मृत्यू झाला.‎ पुढील सोपस्कार करण्याकरीता‎ सिद्धार्थ जामनिक हे‎ एम.एच.३०-व्हि-३८७८ या‎ दुचाकीने रेपाडखेडकडे निघाले.‎ सुमारे ६ वाजताच्या दरम्यान‎ सिरसो फाट्याजवळ त्यांच्या‎ दुचाकीला समोरून येत‎ असलेल्या टिपर‎ (एम.एच.२७–बी.एक्स. ०१९३ )‎ जोरदार धडक दिली.

हा अपघात‎ एवढा भीषण होता की दुचाकीचे‎ समोरील चाक पूर्णपणे तुटले होते.‎ सिद्धार्थ जामनिक यांच्या पाय‎ आणि डोक्याला जबर दुखापत‎ झाली. त्यांना मूर्तिजापूर येथील‎ उपजिल्हा रुग्णालयात दाखल‎ करण्यात आले होते. त्यांची गंभीर‎ अवस्था पाहता त्यांना तत्काळ‎ अकोला येथे हलवण्यात आले.‎ मात्र त्यांचा मृत्यू झाला. त्यांना दोन‎ लहान मुलं असून, ते कुटुंबाचे‎ आधार होते.‎ दरम्यान या अपघात प्रकरणी‎ मूर्तिजापूर ग्रामीण पोलिस‎ स्टेशनला गुन्हा दाखल करण्यात‎ आला असून, पोलिस तपास‎ करीत आहेत.

RELATED ARTICLES

Most Popular

Recent Comments

error: Content is protected !!