Saturday, April 13, 2024
Homeक्राईमAkola Police MPDA अकोला पोलिसांचा १० का दम, जिल्ह्यातील दहाव्या कुख्यात गुंडावर...

Akola Police MPDA अकोला पोलिसांचा १० का दम, जिल्ह्यातील दहाव्या कुख्यात गुंडावर पोलिसांची कडक कारवाई – एक वर्षासाठी स्थानबद्ध

अकोला न्यूज नेटवर्क ब्यूरो दिनांक २७ मार्च :-Akola Police MPDA अकोला जिल्ह्यातील अकोट तालुक्यातील कुख्यात गुंड शाकीर खान बिस्मिल्ला खान याच्यावर पोलिसांनी कडक कारवाई करत त्यास एक वर्षासाठी स्थानबद्ध करण्यात आले आहे. या गुंडाकडून सतत गंभीर गुन्हे घडत असल्याने शांतता व सुव्यवस्था राखण्यासाठी ही कठोर कारवाई करण्यात आली.

गुन्हेगारी कारनाम्यांची लांबलचक यादी
३४ वर्षीय शाकीर खानने आतापर्यंत जबरी चोरी, दुखापत हल्ले, गृहप्रवेश, शस्त्रबाळगिणे अशा गंभीर गुन्ह्यांची कामगिरी बघितली आहे. प्रतिबंधात्मक कारवाया करूनही त्याची गुन्हेगारी वृत्ती थांबली नाही. त्यामुळे गंभीर दखल घेऊन त्याच्यावर स्थानबद्धतेची कारवाई करण्यात आली.

जिल्हादंडाधिकाऱ्यांचा आदेश
शाकीर खान हा धोकादायक व्यक्ती असल्याची खात्री झाल्यानंतर मा.जिल्हादंडाधिकारी अजित कुंभार यांनी दि.२६/०३/२०२४ रोजी एक वर्षासाठी जिल्हा कारागृहात स्थानबद्ध ठेवण्याचा आदेश पारित केला. त्यानुसार २७/०३/२०२४ रोजी त्यास तात्काळ स्थानबद्ध करण्यात आले.

निवडणुकादरम्यान शांतता राखण्याचा प्रयत्न
निवडणुका व सण उत्सव काळात शांततेची परिस्थिती अबाधित राहावी यासाठी सराईत गुन्हेगारांवर कारवाई करण्याचा इशारा पोलीस अधीक्षक बच्चन सिंह यांनी दिला आहे. शाकीर खानवरील कारवाईच त्याचा एक भाग असून भविष्यात अशा गुन्हेगारांना आवरण्यासाठी कडक पावले उचलली जाणार आहेत. जिल्हा पोलिसांच्या पथकाकडून ही कारवाई पूर्ण करण्यात आली असून साहेब, निरीक्षक ते सामान्य पोलिस अधिकारी-कर्मचाऱ्यांच्या पथकाने या कारवाईत परिश्रम घेतले आहेत.

सदरची कार्यवाही पूर्ण करण्याकरीता पोलीस अधीक्षक, बच्चन सिंह यांचे मार्गदर्शनाखाली अपर पोलीस अधीक्षक, अभय डोंगरे, तसेच उपविभागीय पोलीस अधिकारी अनमोल मित्तल, स्थानिक गुन्हे शाखा येथील पोलीस निरीक्षक शंकर शेळके, पोउपनि. आशिष शिंदे, पोहेकॉ. ज्ञानेश्वर सैरिसे, पोकॉ. उदय ईश्वरीप्रसाद शुक्ला, तसेच पो.स्टे. अकोट शहर येथील पोलीस निरीक्षक तपन कोल्हे, पोहेकॉ, नंदकिशोर कुलट यांनी परिश्रम घेतले.

 अकोला जिल्हयात कायदा व सुव्यवस्था अबाधीत राहुन शांतता राहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांवर येणा-या निवडणुका, आगामी सण उत्सव काळात एमपीडीए व इतर प्रचलित कायद्यान्वये कारवाई करण्यात येणार आहे “असा इशारा जिल्हा पोलीस अधिक्षक बच्चन सिंह यांनी दिला आहे.

RELATED ARTICLES

Most Popular

Recent Comments

error: Content is protected !!