Saturday, July 20, 2024
Homeमनोरंजनबाहुबली तर सोडाच गदर 2 चित्रपटाने कमाईचे सर्व रेकॉर्ड मोडले…

बाहुबली तर सोडाच गदर 2 चित्रपटाने कमाईचे सर्व रेकॉर्ड मोडले…

अकोला न्यूज नेटवर्क दिनांक १७ ऑगस्ट २०२३:-सनी देओल आणि अमिषा पटेल यांचा गदर 2 हा चित्रपट रोज नवे नवे विक्रम रचत आहे. आता सहाव्या दिवसाच्या कमाईत त्याने बॉक्स ऑफिसवर आतापर्यंतच्या सर्व टॉप चित्रपटांना मागे टाकले आहे. सनी देओल आणि अमिषा पटेल यांच्या चित्रपटाने बुधवारी बॉक्स ऑफिसवर धुमाकूळ घातला.

दीर्घ कालावधीनंतर सनीचा चित्रपट
प्रदीर्घ कालावधीनंतर बॉक्स ऑफिसवर पुनरागमन करणारा सनी देओल आणि अमिषा पटेलचा चित्रपट ‘गदर 2’ अजूनही जोरदार कमाई करत आहे. या चित्रपटाने बुधवारी सहाव्या दिवशीही बॉक्स ऑफिसवर धुमाकूळ घातला आहे. ‘गदर 2’ ने बॉक्स ऑफिसवर आतापर्यंतचे सर्व रेकॉर्ड मोडीत काढले आहेत. वैशिष्ट्य म्हणजे ‘गदर 2’ने सर्वाधिक कमाई करणाऱ्या भारतीय चित्रपट ‘बाहुबली: द कन्क्लूजन’लाही अनेक बाबतीत मागे टाकले आहे. होय, बुधवारी ‘गदर 2’च्या कमाईसमोर बाहुबली द कन्क्लुजन’ (हिंदी) ते ‘पठाण’ यांसारख्या चित्रपटांची कमाई पूर्णपणे फिकी पडली आहे.

बॉक्स ऑफिसवरचे टॉप 10 चित्रपट
बॉक्स ऑफिसवर टॉप 10 भारतीय चित्रपटांमध्ये समाविष्ट असलेल्या साऊथच्या ‘बाहुबली: द कन्क्लुजन’ या चित्रपटाने सहाव्या दिवशी हिंदी भाषेत केवळ 26.00 कोटींची कमाई केली. दुसरीकडे, दुसऱ्या क्रमांकावर असलेल्या ‘KGF Chapter 2’ ने मंगळवारी सहाव्या दिवशी 19.14 कोटी आणि सातव्या दिवशी बुधवारी 16.35 कोटींची कमाई केली.दुसरीकडे, शाहरुख खानच्या ‘पठाण’ने बुधवारी 26.5 कोटी रुपयांची कमाई बॉलीवूडमधील सर्वाधिक कमाई करणार्‍या चित्रपटांमध्ये केली, जे तीन भाषा एकत्र करून बनले होते.

सॅकनिकचा अहवाल
बॉक्स ऑफिसच्या आकडेवारीवर काम करणार्‍या Sacnilk या वेबसाइटच्या अहवालात असे सांगण्यात आले आहे की, बुधवारच्या कमाईच्या बाबतीत ‘गदर 2’ने सर्वच चित्रपटांना मागे टाकले आहे.गदर 2’ ने बुधवारी 34.50 कोटींची कमाई केली आणि यासोबतच चित्रपटाने इतिहास रचला आहे. सुमारे 100 कोटींच्या बजेटमध्ये बनलेल्या सनी देओलच्या या चित्रपटाने प्रचंड बजेटच्या चित्रपटांना मात दिली आहे.

गदरची सलग कमाई
‘गदर 2’ च्या कमाईचे आकडे बघितले तर या चित्रपटाने दररोज एक इतिहास रचला आहे. ओपनिंग शुक्रवारी, चित्रपटाने 40.1 कोटी रुपयांची कमाई केली, तर शनिवारी 43.08 कोटी रुपये आणि रविवारी 51.7 कोटी रुपयांची कमाई केली. सोमवारी कलेक्शनमध्ये थोडीशी घट झाली आणि 38.7 कोटी रुपयांची कमाई झाली.

पठानसोबत तुलना
हिंदीत ‘पठाण’ची कमाई सहाव्या दिवशी फक्त 25.5 कोटी रुपये होती. याशिवाय 2016 मध्ये आलेल्या ‘दंगल’ बद्दल बोलायचे झाले तर बुधवारी 21.46 कोटी आणि हिंदीत फक्त 21.01 कोटींची कमाई झाली होती. आता या आकड्यांवरून ‘गदर 2’चा कमाई अजुन किती दूर जाणार आहे, याचा अंदाज येऊ शकतो.

मंगळवारी पाचव्या दिवशी सुट्टीचा चांगलाच फायदा झाला आणि चित्रपटाने बॉक्स ऑफिसवर 55.40 कोटींची कमाई केली. बुधवारी आठवड्याचे दिवस असल्याने उत्पन्नात लक्षणीय घट होईल असे वाटत होते पण तसे झाले नाही. 6व्या दिवशी 34.50 कोटींच्या कलेक्शनसह ‘गदर 2’ ने 6 दिवसांत एकूण 263.48 कोटी रुपयांचा गल्ला जमवला आहे…(AKOLA NEWS NETWORK )

RELATED ARTICLES

Most Popular

Recent Comments

error: Content is protected !!
WhatsApp