Tuesday, May 21, 2024
Homeक्राईमCrime News रेल्वे स्टेशनवर मोबाईल हिसकण्याचा प्रयत्न, पळ काढताना हवेत गोळीबार! पळ...

Crime News रेल्वे स्टेशनवर मोबाईल हिसकण्याचा प्रयत्न, पळ काढताना हवेत गोळीबार! पळ काढणाऱ्या चोरांचा CCTV फुटेज व्हायरल!

अकोला न्यूज नेटवर्क ब्यूरो दिनांक ८ एप्रिल नितीन कानडजे पाटील बुलढाणा जिल्हा :- Crime News मलकापूर शहरातील रामवाडी परिसरात गेल्या शनिवारी संध्याकाळी एक धक्कादायक घटना घडली. रेल्वे स्टेशनवरून पळून जाणाऱ्या तीन अज्ञात इसमांनी हवेत गोळीबार केल्याची घटना उघडकीस आली आहे. या प्रकरणामुळे परिसरात एकच खळबळ उडाली आहे.

मलकापूर शहर पोलीस स्टेशनचे वरिष्ठ पोलीस निरीक्षक अनिल गोपाळ यांनी दिलेल्या माहितीनुसार, 7 एप्रिलच्या संध्याकाळी सुमारे 5 वाजताच्या सुमारास बुलढाणा जिल्ह्यातील मलकापूर रेल्वे स्टेशनवर गंगानगर एक्स्प्रेसची फलाट नंबर 1 आली. या फलाटवर तीन इसम बसले होते. त्यांनी एका प्रवाशाचा मोबाईल हिसकावण्याचा प्रयत्न केला. Crime News याच वेळी आरपीएफचे जवान तेथे धावले आणि परिसरातील नागरिक जमा झाले.

अचानक या तिघांनी रेल्वे स्टेशनच्या संरक्षण भिंतीवरून उड्या मारून रामवाडी परिसरातील रस्त्याने एकामागून एक पळ काढला. हे सर्व स्थानिकांच्या नजरेत आले. पहिल्या इसमाने नांदुरा रोडवरील एका रिक्षात आश्रय घेतला. त्यानंतर दुसरा आणि तिसरा इसम त्याच रिक्षात बसले. परंतु रिक्षाजवळच्या Crime News CCTV फुटेजमध्ये तिसऱ्या इसमाच्या पाठीमागे बंदुकीसारखा शस्त्र दिसत आहे.

स्थानिक रहिवाशांच्या म्हणण्यानुसार, हे तिघेजण रेल्वे स्टेशनवरून धावत येत असताना त्यांनी हवेत गोळीबार केला. मात्र पोलीस प्रशासनाचा अंदाज आहे की, हे तिघे कदाचित चोरटे असावेत आणि त्यांना पकडण्यासाठी लोक त्यांच्या पाठीमागे धावत असावेत. त्यामुळेच स्वतःची सुरक्षितता बाळगण्यासाठी त्यांनी हवेत गोळीबार केला असावा.

वरिष्ठ पोलीस निरीक्षक अनिल गोपाळ यांच्याच म्हणण्यानुसार, या प्रकरणी ज्या रिक्षाद्वारे हे तिघे पळून गेले त्याचा शोध घेतला जात आहे. Crime News रिक्षा आणि त्यातील प्रवासी शोधल्यानंतर या प्रकरणी गुन्हा दाखल करण्यात येणार आहे. पोलिसांनी प्रकरणाची गांभीर्याने दखल घेतली असून, सुरक्षा यंत्रणा कडक केली आहे. नागरिकांनीदेखील सतर्क राहण्याचे आवाहन त्यांनी केले आहे.

ही घटना मलकापूर शहरासह संपूर्ण बुलढाणा जिल्ह्यातील कायदा आणि सुव्यवस्थेसाठी एक मोठेच आव्हान ठरणार आहे. कारण अशा प्रकारच्या घटना सर्वसामान्य नागरिकांमध्ये भीतीचे वातावरण निर्माण करतात. दरम्यान, घटनास्थळी जमा झालेल्या गर्दीतून अनेक अफवा पसरल्या आहेत. Crime News काही जण अज्ञात इसमांना दहशतवाद्यांशी जोडून पाहत आहेत. तर काहींचा अंदाज आहे की, हल्ला हा फक्त लुटमारीच्या उद्देशानेच घडला असावा.

परंतु घटनेची सत्यस्थिती समोर येईपर्यंत राज्य पोलीस प्रशासनाने नागरिकांना शांतता बाळगण्याचे आवाहन केले आहे. मलकापूर शहर पोलीस स्टेशनच्या सर्व पथकांना सज्ज राहण्याचे निर्देश देण्यात आले असून, आरोपींना लवकरात लवकर अटक करण्यावर भर दिला जात आहे. सध्याची परिस्थिती विचारात घेता पोलीस प्रशासनाने सर्व भागांत बंदोबस्त वाढवला असून जिल्ह्यातील सर्व महत्त्वाच्या ठिकाणी पोलिसांची तैनाती करण्यात आली आहे. तसेच शहरातील मुख्य चौकांना रिंगबंदी करून नागरिकांची सुरक्षिततेची काळजी घेतली जात आहे.

RELATED ARTICLES

Most Popular

Recent Comments

error: Content is protected !!