Saturday, June 15, 2024
Homeब्रेकिंगरस्त्यावरील खड्ड्याने‎ घेतला गर्भवतीचा बळी‎,रुग्णालयात जाताना खड्ड्यातून उसळली गाडी‎

रस्त्यावरील खड्ड्याने‎ घेतला गर्भवतीचा बळी‎,रुग्णालयात जाताना खड्ड्यातून उसळली गाडी‎

अकोला न्यूज नेटवर्क ब्युरो,दिनांक :16 जुलै – ग्रामीण‎ ‎भागातील रस्ते‎ ‎म्हणजे ‘मौत‎ ‎ का कुवा’ असे‎ ‎ म्हणावे लागेल.‎ ‎ग्रामीण‎ ‎भागातील‎ ‎रस्त्यांवरील‎ खड्ड्यांमुळे जीव मुठीत धरून‎ गाडी चालवावी लागते. अशाच‎ एका रस्त्याने बार्शीटाकळी‎ तालुक्यातील एका आठ‎ महिन्याच्या गर्भवतीचा जीव‎ घेतला. ही हृदयद्रावक घटना‎ शुक्रवारी दुपारी घडली.‎ रेडवा येथील संजीवनी रोहित‎ पवार (२४) ही महिला तिच्या‎ पतीसोबत शुक्रवारी दुपारी १‎ वाजताच्या सुमारास मोटार‎ सायकलने बार्शीटाकली येथील‎ ग्रामीण रुग्णालयामध्ये‎ तपासणीसाठी जात होती.

दरम्यान‎ बार्शीटाकळीजवळ अमराई‎ परिसरात रस्त्यावरील एका‎ खड्ड्यातून त्यांची दुचाकी‎ उसळली. दोघे पती-पत्नी खाली‎ पडले. गर्भवती महिलेला‎ डोक्याला मार लागला. जखमीस‎ लगेच बार्शीटाकळी येथील‎ रुग्णालयात दाखल करण्यात‎ आले. यावेळी डॉक्टरांनी‎ महिलेला मृत घोषित केले.‎ एकुलती एक बहीण,भावांनी फोडला हंबरडा‎ महिला रेडवा येथील असून तिचे‎ माहेर चिखलागड तालुका‎ मंगरूळपीर जिल्हा वाशीम‎ असल्याची माहिती आहे. एकुलती‎ एक बहिणीच्या मृत्यूची वार्ता‎ कळताच दोन भावांनी हंबरडा‎ फोडला. नातेवाइकांकडून‎ घटनेबाबत रोष व्यक्त करण्यात येत‎ आहे.

पिंजर-बार्शीटाकळी मार्गावर‎ ठिकाणी मोठमोठे खड्डे पडले आहे.‎ त्यामध्ये यापूर्वी अनेक‎ मोटरसायकली उसळून अपघात‎ घडले. लोक जखमी झाले.‎ याबाबत प्रशासनास फोटो पाठवून‎ सूचना देण्यात आल्या होत्या,‎ तरीसुद्धा त्यांनी कोणती दखल‎ घेतली नाही. आता तरी संबंधित‎ विभागाने लक्ष देऊन पिंजर-‎ बार्शीटाकळी मार्गावरील खड्डे‎ ताबडतोब दुरुस्त करावे, अशी‎ मागणी या भागातील नागरिकांनी‎ केली आहे.‎

RELATED ARTICLES

Most Popular

Recent Comments

error: Content is protected !!