अकोला: जिल्हा पोलीस अधिक्षक बच्चन सिंग यांच्या नेतृत्वात जिल्ह्यातील कायदा व सुव्यवस्था सुधारण्यासाठी सतत प्रयत्नशील असलेल्या पोलीस विभागाने महत्वपूर्ण कारवाई केली आहे. आरपीआय आठवले गटाचे महानगर अध्यक्ष गजानन काशिनाथ कांबळे यांच्याविरुद्ध महाराष्ट्र झोपडपट्टी दादा कायदा (एमपीडीए) आणि तडीपार योजनेंतर्गत कारवाई करण्यात आली आहे.
गजानन कांबळे यांच्याविरुद्ध अनेक गुन्हे दाखल असल्याने त्यांच्यावर एमपीडीए अंतर्गत कारावासाची कारवाई करण्यात आली आहे. जिल्हा पोलीस अधीक्षक आणि स्थानिक गुन्हे शाखेचे पोलीस निरीक्षक शंकर शेळके यांच्या समन्वयाने सादर केलेल्या प्रस्तावानंतर जिल्हाधिकाऱ्यांनी कांबळे यांना 1 वर्षासाठी तुरुंगात ठेवण्याचे आदेश दिले.
या कारवाईमुळे जिल्ह्यातील गुन्हेगारीवर आळा घालण्याच्या पोलीसांच्या प्रयत्नांना बळ मिळाले आहे. या घटनेमुळे समाजातील इतर गुन्हेगारांना स्पष्ट संदेश गेला आहे की कायद्याचे उल्लंघन करणार्यांवर कठोर कारवाई केली जाईल. नागरिकांनी यामुळे पोलीस प्रशासनाचे कौतुक केले आहे आणि याची प्रशंसा केली जात आहे.
या प्रकारातून अकोला पोलीसांच्या निर्धारित कारवाईची दिशा आणि दृढता सिद्ध होते, ज्यामुळे जिल्ह्यातील कायदा व सुव्यवस्था सुधारण्यासाठी त्यांच्या प्रयत्नांना चालना मिळते.